Гвардиола носи големо засилување од Италија

Српскиот репрезентативец и член на Лацио, Сергеј Милинковиќ-Савиќ се наоѓа пред трансфер во Премиер лигата, пренесуваат италијанските медиуми.

Сергеј оваа сезона блеска во дресот на Лацио и го привлече вниманието на многу европски гиганти, па најверојатно на крајот на сезоната ќе ја промени средината.

Италијанските медиуми тврдат дека скаути на Манчестер Сити биле синоќа на натпреварот против Болоња за да го следат Србинот и останале воодушевени од неговите перформанси.

Познато е дека „граѓаните“ не штедат пари кога Пеп Гвардиола сака да доведе некој игач, па спремаат богата понуда уште во јануари бидејќи Милинковиќ-Савиќ може да настапува во Лигата на шампиони.

Покрај Сити, силен интерес за играчот за врска покажуваат уште Манчестер Јунајтед, Јувентус, Интер и Милан.