Гвардиола ироничен: Виновни сме и што Жерард се сопна

Пеп Гвардиола смета дека никој не може да им ги одземе шампионските титули, иако се споменуваше такво нешто во изминатите денови поради обвиненијата дека го прекршиле финансискиот фер плеј.

Гвардиола очигледно дека оваа тема го прави многу нервозен, па почна да биде и саркастичен.

Тој го посочи и натпреварот меѓу Ливерпул и Челзи во трката за титулата во 2013/14, кога Стивен Жерард се лизна, по што Демба Ба постигна гол и ги остави „црвените“ без титула.

„Емоциите ни припаѓаат на нас без разлика на тоа што ќе решат. Агуеро со голот во последните секунди… Не знам можеби ние сме виновни што Жерард се лизна“, вели Гвардиола.