Виљареал против Јувентус, Баерн и Ливерпул има седум директни шута и – седум гола!

Тимот на Виљареал оваа сезона беше најголемото изненадување во Лигата на шампионите, „Жолтата подморница“ стигна до полуфиналето од каде што беше елиминирана со достоен пораз од Ливерпул.

Виљареаел пред полуфиналето со Ливерпул ги елиминираше Јувентус и Баерн Минхен, а статистичарите забележаа еден интересен податок. Имено, Виљареал во натпреварите против трите европски гиганти има седум директни шута кон голот и сите тие завршиле во мрежата.

Против Јувентус постигнаа три, на Баерн во двомечот два и два на Ливерпул. Шпанскиот претставник вчера најави ново чудо откако на полувремето водеше со 2:0, но сепак во вториот дел Ливерпул ги презема работите во свои раце и го сврте резултатот.