ВАР повторно на удар: Огбона го фати Агуеро за „машкоста“, а судијата само одмавна со раката

Фудбалерите на Манчестер Сити после првото полувреме водат на свој терен против Вест Хем со 1:0.

Сити подобро го отвори вечерашниот натпревар и создаде неколку одлични шанси, и навистина е чудно како Вест Хем успеа да прими само еден погодок.

Домашната екипа до водство дојде во 30. минута кога Де Брујне центрираше од корнер, а со глава погоди Родри.

Но, деталот кој го одбележа првото полувреме се случи на средината од првиот дел, а во центарот на вниманието беа Агуеро и Огбона.

Дефанзивецот на ВЕст Хем на интересен начин го запре Аргентинецот кога го фати за „машкоста“, но судијата не реагираше и одби да гледа ВАР иако Агуеро беше бесен и се обидуваше да му објасни што се случило. Многумина веруваат дека ова беше чист пенал за домашниот тим.