Буфон открива: Му го препорачав на Јувентус Мањан

Џанлуиџи Буфон во италијанските медиуми откри дека на Јувентус му го препорачал Мајк Мањан кој подоцна премина во Милан.

Мањан беше еден од најзаслужните за титулата на „росонерите“ во Серија А и Милан направи полн погодок со неговиот ангажман.

Буфон Мањан на Јувентус го препорачал по неговото враќање од Пари Сен Жермен.

„Кога се вратив во Јувентус, разговаравме со раководството и ме прашаа за голман. Мојот предлог беше Мањан кој тогаш уште беше млад. Очекував да се развие во добар голман. Кога Милан го доведе му се јавив на Малдини да му честитам дека завршиле добра работа“, откри Буфон.