Батштубер си најде нов клуб!

Холгер Батштубер немаше среќа со повредите во последните години. Иако беше стандарден во Баерн од 2009 до 2012 година, денес дефанзивецот е далеку од своето најдобро ниво.

Батштубер во последните четири години одигра само 18 натпревари во Бундес лигата и тоа многу го успори неговиот развој.

Минатата сезона ја помина на позајмица во Шалке каде одигра само 10 натпревари, но Германецот е далеку од посакуваната форма.

Денес германските медиуми пренесуваат дека Батштибер пронашол нов клуб и кариерата ќе ја продолжи во Штутгат.

За него силен интерес покажаа Севиља и Спортинг Лисабон, но Батштубер се одлучи да остане во Бундес лигата.