Барселона потврди уште една продажба

Барселона брзаше до денес да заврши неколку излезни трансфери со цел да може приходот да ги пријави во тековната сезона.

Вчера Каталонците ја потврдија продажбата на Артур за 72 милиони евра, а денес беше финализирана уште една продажба.

Барселона на својот официјален сајт ја потврди продажбата на десниот бек Марк Кукурела во Гетафе. Шпанецот играше под наем во Гетафе и клубот ја искористи опцијата за опткуп за 10 милиони евра.

Притоа, Барселона ќе добие 10% од следната продажба на Кукурела, а тоа може да се случи уште ова лето бидејќи неколку клубови се интересираат за неговиот потпис.