Барселона го испраќа „новиот Иниеста“ на позајмица

Барселона има намера наредната недела да ја реши иднината на Рафиња и Рики Пуиг, пишува „Марка“.

Каталонците имаат премногу опции во средниот ред и мали се шансите било кој од овие двајца играчи во новата сезона да има сериозна минутажа.

Рафиња има поголеми шанси да го напушти „Ноу Камп“ со оглед на тоа дека играчот и клубот сметаат дека за него тоа би било најдобро, а нов клуб веројатно би требало да биде Валенсија.

За Рики Пуиг се смета дека е подобро да оди на позајмица во некој клуб и заинтересирани има многу.

Тренерот Ернесто Валверде го користеше во припремните натпревари, но поради големата гужва во средниот ред прилика би можел да добие само во натпреварите од шпанскиот куп и тоа е премалку, потребно е да игра редовно.

Пуиг неодамна во пријателскиот натпревар против Арсенал воодушеви и беше еден од најдобрите играчи на теренот, а некои шпански медиуми веќе му го доделија прекарот „новиот Иниеста“.

? Mágico @RiquiPuig ?❤ pic.twitter.com/xun3ncBm6c

— FC Barcelona (@FCBarcelona_es) August 4, 2019