Баерн започна преговори со Алегри

По елиминацијата на Баерн Минхен од Лигата на шампионите, се погласни се шпекулациите за можно заминување на тренероит Ханзи Флик.

Ханси Флик веќе има понуда од Фудбалскиот сојуз на Германија и тој сериозно размислува да ја преземе репрезентацијата.

Баварците нема да му стојат на патот и веќе ја започнаа потрагата по нов тренер, а наводно прв пик е Макс Алегри.

Италијанските медиуми пренесуваат дека челните луѓе на Баерн веќе оствариле контакт со Алегри, кој е слободен после заминувањето од Јувентус.

Румениге верува дека трофејниот Италијанец би бил идеално решение за клупата на Баварците, но на списокот се наоѓа и Јулијан Нагелсман.