Арсенал се уште се надева да го задржи Вилшер

Раководството на Арсенал се уште се надева дека Џек Вилшер може да ја прифати понудата и да потпише нов договор со клубот.

Договорот на Вилшер истекува на крајот на сезоната и може да си замине како слободен агент, а инетерс кон него покажуваат голем број на европски клубови.

Меѓутоа, од „Емирати“ се уште се надеваат дека тој ќе ја прифати нивната понуда и ќе го продолжи договорот до 2022 година.

Двете страни преговараат веќе подолго време, а основен проблем е платата бидејќи „топџиите“ му нудат помалку пари од актуелните 110.000 фунти кои ги добива неделно.

Последната понуда од Арсенал е 90.000 фунти неделно и се надеваат дека 26-годишниот плејмејкер ќе ја прифати и ќе остане на „Емирати“.