Антонио Конте во Интер го враќа напаѓачот кој многумина го заборавија?

Искусниот Едер после скоро три години играње во Кина би можел овој јануари да се врати во Италија.

Едер летото 2018 година го напушти Интер и потпиша кинескиот Сунинг, но покажа желба да се врати на Апенините. Бразилецот кој настапуваше за репрезентацијата на Италија во оваа земја стигна уште во 2006 година кога од Крикуима дојде во академијата на Емполи.

Најдобрите денови ги помина во Сампдорија, а потоа одлучи кариерата да ја продолжи во Интер. Но, на „Меаца“ играше нешто повеќе од две години после што за шест милиони евра се пресели во Сунинг.

Сега, како што се пишува на Апенините 34 годишниот фудбалер сака да се врати во Италија, а најголем интерес за него покажа токму Интер.

Во Интер сериозно размислуваат да го вратат Едер бидејќи во него гледаат одлична резерва и играч кој со влегувањето од клупата би можел да направи разлика на теренот. Треба да се спомене и дека трансферот може да биде лесен за реализација затоа што Интер и Сунинг имаат исти сопственици.

Едер во дресот на Интер одигра 86 натпревари и постигна 14 голови.