Алегри фаворит да го наследи Зидан

Променливите резултати на Реал Мадрид од почетокот на сезоната го ставија Зинедин Зидан во лоша позиција и сега се шпекулира за негово заминувње од клупата на „кралевите“.

Шпанските медиуми пренесуваат дека многу е веројатно дека Зидан на крајот на сезоната ќе го напушти Реал Мадрид.

Наводно „кралевите“ веќе бараат негов наследник, а прва желба е италијанскиот стратег Масимилиано Алегри.

Алегри моментално е без ангажман, а медиумите тврдат дека токму Реал Мадрид е причината зошто ги одбил понудите на ПСЖ и Челзи.

Како алтернатива се споменува младиот германски стратег Јулијан Нагелсман, кој со успех го води тимот на Лајпциг.