Ако си оди Пјаниќ, во Јувентус пристигнува играчот кој сите го сакаат

Миралем Пјаниќ константно се поврзува со заминување од Јувентус.

Играчот за врска на „Старата дама“ се поврзува со многу тимови меѓу кои и Барселона, Челзи, ПСЖ и Манчестер Сити, но за сега конкретни понуди нема. Меѓутоа, ако дојде до трансфер, Јуве наместо Пјаниќ ќе го доведе многу добро познатото име. Спремни се да го ангажираат одличниот Н`Голо Канте, иако неговата цена е 80 милиони евра.

Доаѓањето на Канте сигурно би му донело многу на Јуве во дефанзивната линија. Францускиот играч е навистина одличен во запирањето на противничките напади и без дилема е еден од најдобрите фудбалери во светот и човек кој апсолутно сите го сакаат. Сепак, оваа работа е далеку од реализација. Нема официјални понуди, но според тврдењата на италијанските медиуми, управата на Јувентус размислува во оваа насока.

Покрај Канте, со Јувентус се поврзува и играчот на Манчестер Јунајтед, Пол Погба.