Џон Тери повторно во Челзи: Среќен сум што се враќам дома!

Легендарниот Џон Тери објави на социјалните мрежи дека се враќа во неговиот поранешен и омилен клуб, Челзи.

Извесен период Тери беше прв помошник на Дин Смит во Лестер, но откако не беше продолжен договорот на Смит си замина и тој, а „лисиците“ подоцна испаднаа од Премиер лигата.

„Среќен сум што се враќам дома. Работата во академијата за мене е сериозен и голем предизвик. На овој начин ќе ја продолжам мојата невеојатна етапа во овој славен клуб, се надевам ќе придонесам за поголеми успеси“, објави Тери.

Џон Тери е најуспешниот капитен во историјата на Челзи и за време не неговиот играчки период, „сините“ освоија пет титули вп Премиер лигата и еден трофеј во Лигата на шампионите. Вкупно одигра над 500 натпревари и постигна 41 гол.

I’m delighted to be back Home working in the Academy.@ChelseaFC 💙 pic.twitter.com/QBJtPUoPdm

— John Terry (@JohnTerry26) July 7, 2023