Јувентус тргнува по младата ѕвезда на Рома

Јувентус имал средба со агентите на играчот на Рома, Лоренцо Пелегрини и рзговарале за евентуален негов трансфер во Торино, пренесуваат италијанските медуми.

Пелегрини важи за еден од најголемите таленти на Апенините, а во договорот има откупна клаузула од 25 милиони евра, која „бјанконерите“ се спремни да ја платат.

Меѓутоа, агентите изразиле сомнеж за евентуален трансфер бидејќи сметаат дека конкуренцијата во Јувентус е голема и дека 21-годишниот играч за врска нема да добива голема минутажа.

Од друга страна Рома е блиску до трансфер на Брајан Кристанте од Аталанта, што значи дека конкуренцијата кај „волчицата“ ќе биде многу поголема.

Преговорите помеѓу двете страни ќе продолжат и закажана е нова средба во понеделник, се чека само ДА на фудбалерот, бидејќи Јувентус е спремен да ја плати откупната клаузула.