Јувентус ослабен вечерва против Интер

Вечерва Јувентус го игра полуфиналето против Интер во Купот на Италија, а повреда пред овој натпревар на тренингот заработил Душан Влаховиќ.

Напаѓачот на „старата дама“ се здобил со истегнување на скочниот зглоб и нема да биде во комбинација за настап вечерва против големиот ривал.

Влаховиќ во последно време се мачи со ефикасноста и веќе подолго време е без гол, сезонава вкупно настапи на 35 натпревари, постигна 11 гола и подели четири асистенции.

Првиот натпревар од полуфиналето помеѓу овие два тима заврши без победник 1:1.