Јувентус започна преговори за ѕвездата на Сити

Италијанските медиуми лансираа вистинска „бомба“ и пренесуваат дека напаѓачот на Манчестер Сити, Габриел Жесус ова лето би можел да се пресели во Серија А.

Габриел Жесус не е задоволен од својот статус на „Етихад“ и е спремен да ја промени средината, а Јувентус сака да ја искористи таквата ситуација.

Според информациите на „Газета“ Сити би можел да го испрати на позамица Жесус со обврска Јувентус да го откупи на крајот од сезоната. 

Жесус би пристигнал и ако Кристиано Роналдо остане во клубот, засега иднината на Португалецот не 100% сигурна и таа ќе биде решена по завршувањето на Европското првенство.

Алегри сака да донесе нов напаѓач, а прва желба е токму Габриел Жесус.