Јувентус во Германија најде замена за Влаховиќ?

Доколку во текот на летото српскиот напаѓач Душан Влаховиќ го напушти Јувентус замена би можел да му доведе од Леверкузен.

Виктор Бонифас игра во одлична форма оваа сезона, постигнувајќи 16 гола и постигна девет асистенции на 25 натпревари во неговата прва сезона во Леверкузен, кој е на прагот да ја освои првата титула во Бундеслигата во историјата на клубот.

Нигериецот го оствари овој импресивен учинок во првиот дел од сезоната, а се повреди од јануари и се врати пред само пет дена во победата на Леверкузен од 4:0 против Дизелдорф во полуфиналето на Купот на Германија.

Јувентус е заинтересиран и за Џошуа Зирки од Болоња, но Холанѓанецот не би бил директна замена за Влаховиќ, туку би играл заедно со него наместо Федерико Киеза.

На излезната врата од клубот се Аркадиуш Милик и Мојзе Кин, како и Илинг Жуниор за кого интерес покажаа Тотенхем и Фулам.