Шкупи се засили со нов директор

Денеска тимот на Шкупи назначи нов директор. Во прашање е Флорин Муча кој од денеска и официјално е дел од чаирскиот клуб.

Во клубот Муча пристигнува на местото на Дамир Ибриќ кој си замина на крајот на минатата година.

Сезонава Шкупи има за цел да ја врати титулата и е во блиска битка со Струга Трим Лум и Шкендија. Шкупи на табелата заостанува три бода зад актуелниот шампион Струга.

Чаирчани во актуелната сезона направија многу измени во играчкиот кадар, пристигна и тренерот Младен Жижовиќ кој го препороди Шкупи и до крајот ќе се бори за освојување на титулата.