Чеферин немоќен: Не смее да ги казни Јувентус, Барселона и Реал Мадрид!

Многу се пишуваше за казни против клубовите кои се како основачи на Суперлигата Реал Мадрид, Барселона и Јувентус.

Се најавуваше дека трите европски гиганти можат да бидат и исфрлени од европските натпреварувања на две сезони, сепак тоа не само што може да не се случи, туку УЕФА можеби нема да има право никако да ги казни.

Шпанската „Кадена Сер“ пренесува дека УЕФА добила официјално известување од швајцарското министерство за правда дека нема право да ги казни клубовите кои учествувале или оние кои го основале натпреварување кое сепак не се реализираше.

Останува сега се види реакцијата на првиот човек на УЕФА, Александар Чеферин кој констатно тврдеше дека казни за Реал, Барселона и Јувентус ќе има.