Червар загрижен: Дали „Коцкестите“ го загубија Дувњак до крајот на шампионатот? (ВИДЕО)

Хрватските ракометари лесно славеа над Србија со 32:22 во рамки на стартот на ЕП во Сплит.

Селекторот, Лино Червар веднаш по мечот ја прокоментира повредата на Домагој Дувњак, која фрли сенка на големата победа.

На самиот крај на мечот, Дувњак го напушти теренот со помош на своите соиграчи.

„Му настрада листот, односно мускулните влакна. Ова е штета, загрижен сум искрено“, истакна Червар.

Шола додаде: „Ги чекаме резултатите од лекарските прегледи, конкретни информации се уште немаме“.