Чави: Верувам дека времето на Меси во Барселона не е завршено

Лионел Меси минатото лето ја напушти Барселона на начин на кој не посакуваа ниту тој, ниту клубот, а најмалку навивачите. Меѓутоа се погласно се зборува за негово можно враќање во Барселона откако ќе му истече договорот со ПСЖ.

На оваа тема зборуваше и претседателот Лапорта, а сега се огласи и Чави. Договорот на Меси истекува на крајот на сезоната која следи и тогаш би можел ако се подобри финансиската ситуација во Барселона до тоа ниво да се врати.

„Не сакам да верувам дека времето на Меси во Барселона заврши. Тој заслужува да се врати и јас го посакувам тоа. Ако некој ме праша дали сум за негово враќање без размислување ќе одговорам „да““, јасно потенцираше Чави.