Холандски талент пред трансфер во Милан

Милан е сериозно заинтересиран за десниот бек на ПСВ и холандски репрезентативец, Дензел Думфрис пренесуваат италијанските медиуми.

Станува збор за десен бек кој е одличен како во дефанзива, така и во офанзива. Оваа сезона одигра 22 меча во сите натпреварувања на кои постигна 4 гола и запиша 4 асистенции.

„Знам дека моите агенти водат преговори со Милан. Треба само да почекате и да видите, не можам друго да кажам“, изјави Думфрис.

23-годишниот Холанѓанец има договор со ПСВ до 2023 година и неговата цена во моментов изнесува 15 милиони евра.

ПСВ треба да му плати на Милан 10 милиони евра за трансферот на Рикардо Родригез, па двата клуба се во напредни преговори и се очекува наскоро да го договорат трансферот на Думфрис.