Федерер на чекор од 100-та титула во кариерата!

Швајцарецот Роџер Федерер ќе игра во финалето на АТП турнирот во Дубаи, откако вечерва во полуфиналето со 2-0 го совлада Борна Чориќ.

Федерер во полуфиналето го совлада Хрватот Борна Чориќ, во меч кој беше решен за еден час, со 2-0 (6-2, 6-2).

Во финалето Федерер ќе игра против Стефанос Циципас и тоа ќе биде можност да дојде до својата 100-та титула во кариерата.

Швајцарецот исто така го игра и своето десетто финале во Дубаи, на кое го брка осмиот пехар.