Удар за Арсенал: Се повреди Алексис Санчез!

Фудбалерот на Арсенал, Алексис Санчес, на тренингот на репрезентацијата ја повреди „задната ложа“ и му се заканува подолго отсуство од фудбалските терени.

Алексис Санчез од почетокот на сезоната на 15 натпревари постигна осум голови и забележа седум асистенции и е еден од најзаслужите за добрите игри на тимот, кој се наоѓа на третото место на табелата во Премиерлигата и веќе обезбеди пласман во нокаут фазата во Лигата на шампионите.

Станува збор за проблем со мускулот на ногата, а според првичните информации повредата не е нималку наивна и Чилеанецот ќе паузира околу еден месец од терените.

Ова значи дека Санчез сигурно ќе ги пропушти дерби дуелите од Премиер лигата со Манчестер јунајтед и од Лигата на шампионите со ПСЖ.