Тиквеш и Скопје остануваат во Првата лига

Екипите на Тиквеш и Скопје и во следната сезона ќе настапуваат во првата македонска фудбалска лига откако победија во баражите.

Тиквеш со 4:1 ја совлада Воска Спорт, додека Скопје со 2:1 ја победи Беласица во бараж натпреварите за Првата лига.

Тиквеш поведе со погодокот на Едиз Спахиу во 12. минута, а шест минути подоцна Иван Ивановски зголеми на 2:0, додека Изаир Емини пред крајот на првиот дел намали на 2;1.

Во вториот дел, Љамчевски и Спахиу ги отстранија сите дилеми околу прашањето за тоа кој ќе игра во елитата следната сезона.