Суарез блиску до враќање во Премиер лигата

Луис Суарез следниот месец ќе биде слободен играч бидејќи му завршува договорот со Атлетико Мадрид.

Без оглед што има 35 години Суарез и понатаму важи за еден од најдобрите напаѓачи на денешницата, па има многу понуди на маса.

Според последните информации Суарез е во напредни преговори со Астон Вила и најверојатно ќе се врати во Премиер лигата.

Клубот предводен од Џерард има амбициозен проект и му понудил договор до 2024 година на Уругваецот.

Џерард е голем пријател со Суарез и го убедил да му се придружи во Астон Вила, па се очекува официјализација следните денови.