Националниот тим на Србија без плејмејкерот и капитен Милош Теодосиќ ќе замине во Кина, каде на 31 август го почнува настапот на Светското првенство во кошарка.
Капитенот на Србија сè уште е на терапија поради повредено стопало, ќе треба да прави интензивни терапии, и да се надева дека рехабилитацијата ќе оди според планот, па да им се приклучи на „орлите“ во завршната фаза од Мундобаскетот.
Шанса да станеш YouTuber! Приклучи се! ↓↓↓
Србите пред СП, во Кина ќе одиграат три подготвителни натпревари. Селекторот Александар Ѓорѓевиќ за контролите ќе смета на 12 кошаркари, а конечната одлука дали Теодосиќ ќе игра на СП или не, ќе се знае до 29 август, кога е последниот ден за пријавување играчи.