„Скај Спорт“ пренесува БОМБАСТИЧНА вест: Агуеро во Челзи?!

Реномираниот британски медиум пренесува вест за потенцијален трансфер на Серхио Агуеро во Челзи.

Ударната вест која ја лансираа попладнево британските медиуми звучи изненадувачки. Од почетокот на трансфер периодот видовме неколку интересни трансфери, но евентуалниот трансфер на Серхио Агуеро во Челзи, секако дека би бил најголемото изненадување.

Момчето кое во Манчестер Сити е блиску до статусот легенда би можел од „Итихад“ да се пресели во западен Лоднон.

„Скај Спорт“ пренесува дека Челзи сериозно е заинтересиран за Кун Агуеро. Добро познато е дека Челзи сака да доведе напаѓач ова лето, Ромелу Лукуаку заврши во Манчестер Јунајтед, а Алваро Мората најверојатно ќе го избере Милан, па Антонио Конте мора да бара нови мети.

Не треба да се заборави и дека во текот на летото и Андреа Белоти се поврзуваше со „сините“, но евентуалниот трансфер на Серхио Агуеро би ги засенил сите.

BREAKING: @ChelseaFC have a “serious and strong interest” in signing@ManCity City striker Sergio Aguero, Sky sources understand #SSNHQ pic.twitter.com/3zisl4TUR6

— Sky Sports News HQ (@SkySportsNewsHQ) July 17, 2017