Сите играчи ќе останат во Вардар, треба да се разговара само уште со Дибиров и Томовски

На денешната прес-конференција на која претседателот Михајло Михајловски зборуваше за ситуацијата во Вардар, беше потврдено дека скоро со сите играчи има договор да останат.

Сите играчи што се сега во екипата ќе останат, само останува уште да се разговара со Дибиров и Томовски.

„На мое задоволство и на сите присутни целата екипа освен странците што беа најавени ќе останат. Треба да зборувам само уште Дибиров и Томовски кои не се во Македонија. Се надевам дека и Дибиров и Томовски ќе останат, па така очекувам да имаме конкурентна екипа за домашните натпреварувања и СЕХА лигата каде што е потврдено дека ќе играме“, изјави Михајловски.

Сепак се потенцираше дека играчите кои требаше да пристигнат и со кои беа потпишани договори нема да го засилат тимот.