Сензација на Индијан Велс: Зверев елиминран од 55-ти тенисер на АТП листата

Неочекувана елиминација на третиот тенисер во светот.

Германскиот тенисер Александар Зверев испадна уште во 1/16 финалето на Индијан Велс.

Зверев доживеа пораз и тоа убедлив од 55-тиот тенисер во светот, неговиот сонародник Жан-Леонард Штруф.

После еден час и 12 минути игра Штруф славеше со 2:0 во сетови и се пласираше во 1/8 финалето каде што ќе игра против Милош Раониќ.

Со оглед на тоа дека Зверев беше во делот на Новак Ѓоковиќ, ваквиот епилог сигурно му одговара на српскиот тенисер кој според многумина сега има отворен пат кон финалето.

Мечот на Ѓоковиќ против Колшајбер беше прекинат после 15 минути игра поради врнежи од дожд.