Се огласи Атлетико: Диего Коста е играч на Челзи!

Претседателот на клубот од Мадрид, Енрике Серезо, не го негираше договор со Челзи, но не го ни потврди трансферот на Диего Коста.

„Не можам многу да кажам. Се што знам е дека Диего Коста е фудбалер на Челзи и дека сеуште има многу време до јануари кога ќе ни истече забраната за регистрација. Диего Коста има клуб и до јануари не можеме ништо да направиме“, тврди Серезо.

Сепак, се верува дека претседателот на Атлетико не може јавно да го потврди договорот, но дека нема дилеми и дека веќе е постигнат договор со Челзи.

Се проценува дека сумата на трансферот би можела да изнесува околу 60 милиони евра.