Сане на лето го напушта Манчестер Сити

Ѕвездата на Манчестер Сити, Лерој Сане донел конечна одлука да се врати во Германија и да го облече дресот на Баерн Минхен, пренесува „Билд“.

Во текот на целото лето Сане беше поврзуван со трансфер во Баерн, но на првиот меч во август тој се повреди и трансферот пропадна.

Крилниот фудбалер се уште се рехабилитира од повредата и се очекува наскоро да се врати на терените, но веќе го известил раководството на „граѓаните“ дека не сака да потпишува нов договор и сака што побрзо да се пресели во Баерн Минхен.

„Граѓаните“ добија драконска казна од европската куќа на фудбалот поради кршење на правилата од Финансискиот Фер плеј. Тоа ќе доведе и до значително кратење на парите за плати на играчите, па тоа само ќе го забрза трансферот.

23-годишниот Сане е дете на Шалке, а од 2016 година се пресели во Сити, каде се етаблираше во еден од најдобрите играчи во Премиер лигата.