Сане го одби Баерн Минхен, останува во Сити

Баерн Минхен јавно го потврди интересот за Лерој Сане и испрати понуда, но последните информации се дека Германецот ќе остане во Манчестер Сити.

Баварците запотписот на Сане му понудија на Сити сума од 80 милиони евра, додека на фудбалерот му беше понуден петгодишен договор вреден 10 милиони евра по сезона.

Сепак, на крај, од тој трансфер нема да биде ништо. Сане нема намера да се врати во Бундеслигата, па сигурно и следната сезона ќе го носи дресот на „граѓаните“.

Од другата страна Баварците ќе мора да разгледаат и други опции. Приоритет е доведување на крилни напаѓачи, а полседните информации се дека ќе се насочат кон Пауло Дибала.

23-годишниот Германец одигра одлична сезона со Манчестер Сити, одигра вкупно 47 натпревари, а имаше допринос од 16 погодоци и 18 асистенции.