Роналдо е нов во Јувентус, но знае кои два клуба се најголеми ривали на „бјанконерите“

Кристиано Роналдо иако кратко време е во клубот, сепак го сфати значењето на градското дерби со Торино.

Роналдо утре за прв пат ќе настапи на дербито на Торино, а пред мечот порача дека го разбира ривалството и колку е важна победата во овој меч.

„Еден од економите во клубот ми рече, „ве молам, победете, во спротивно мојата баба…“, откри Роналдо за „Тутоспорт“.

„Научив дека фановите на Јувентус одбиваат да загубат два натпревари: против Интер и против Торино. Поразот секогаш е лош, не го сакам ниту јас“.

„Дербито секогаш е посебен меч, па треба да го добиеме. Мирен сум бидејќи го знам потенцијалот на тимот. Имаме некои многу важни натпревари пред нас“, истакна Португалецот.