Репрезентацијата која ќе има позитивен на коронавирус може службено да го изгуби натпреварот на ЕП?

Британските медиуми пишуваат дека УЕФА донела одлука за воведување на нови правила во врска со претстоното Европско првенство.

Европското првенство стартува на 11. јуни и ова кај нас привлекува посебно внимание затоа што и ние ќе бидеме учесници за првпат во нашата историја.

Сега медиумите во Британија пишуваат дека во случај некоја репрезентација да има позитивен член на ковид-19 натпреварот прво ќе се одложи за 48 часа, а доколку истиот не може да се одржи ќе биде регистриран со службен резултат 3:0 за репрезентацијата која нема позитивен случај.