Реал ќе патува во Каталонија без клупски симболи!

„Мудно Депортиво“ пренсува дека Реал Мадрид на гостувањето во Жирона во рамките на 10-то коло од шпанската Примера, ќе патува со автобус без клупските ознаки.

На тој начин раководството на Реал одлучи да не предизвикува тензии кои веќе постојат со политичката ситуација во Шпанија.

Реал Мадрид периодично патува со автобус без симболи кога станува збор за натпревари во покраините Каталонија и Баскија.

Жирона е дел од автономната заедница Каталонија која бара независност, а натпреварот ќе се одигра во недела на 29-ти октомври.