Реал Мадрид тргнува по сензацијата од Бундес лигата

Реал Мадрид беше тивок во летниот преоден рок и не донесе големи засилувања, првенствено затоа што тренерот Зидан сакаше да го задржи тимот.

Меѓутоа, лошиот старт на сезоната во Примера и повредата на Бензема го натераа раководството на „кралевите“ да тргнат по засилување во нападот, а „АС“ тврди дека Реал подготвува трансфер „бомба“ во јануари.

Весникот кој е близок до Реал Мадрид открива дека прва мета на „кралевите“ е младиот германски напаѓач Тимо Вернер.

Напаѓачот блеска во дресот на Лајпциг и го привлече вниманието на многу европски гиганти, но Флорентино Перез е спремен да ја победи конкуренцијата и да го донесе на „Сантиаго Бернабеу“.