Реал ги започна преговорите со Алаба

Реал Мадрид е во напредни преговори со играчот на Баерн Минхен, Давид Алаба, пренесува мадридскиот весник „Марка“.

Весникот тврди дека преговорите помеѓу Реал и агентот на Алаба се одвиваат многу добро и најверојатно играчот ќе ја продолжи кариерата на „Сантиаго Бернабеу“.

Агентот на Алаба, Пини Захави има одлични односи со претседателот на Реал Мадрид, Флорентино Перез, а и самиот играч преферира преселба во Мадрид.

Алаба влезе во последната година од договорот со Баерн и неодамна двете страни ги прекинаа преговорите за продолжување на соработката.

За Алаба интерес покажуваат многу европски гиганти, но Реал победил во трката и ќе потпише преддоговор со играчот во јануари.