Рамос барал плата колку Пике и го налутил Перез

Серхио Рамос минатото лето после цели 15 години го напушти Реал Мадрид како слободен агент откако му заврши договорот.

Двете страни подолго време преговараа за продолжување на соработката, но не можеа да најдат заеднички јазик околу висината и должината на договорот.

Сега шпанските медиуми открија интересни детали и како Рамос со една реченица го налутил претседателот Флорентино Перез.

„Сакам да добивам иста плата како што Пике добива во Барселона или повеќе од тоа“, рекол Рамос за време на преговорите.

Тоа било одбиено од страна на Перез и фудбалерот реши да ги слушне понудите на други клубови, па се пресели во ПСЖ.