Проблемите не престануваат: Зидан во 22 дена остана без осум играчи

Фудбалерите на Реал Мадрид денеска играат во гости против Хуеска во натпревар од 22. коло од шпанската Ла Лига.

Зидан се најде во проблеми пред овој натпревар поради листата на повредени играчи на која моментално се наоѓаат седум играчи.

Поради тоа францускиот стручњак на денешниот натпревар може да смета на само 17 играчи. Повредите, но и заминувањата од клубот му направија проблем на Зидан кој за само 22 дена остана без осум играчи.

Лука Јовиќ и Одегард го напуштија клубот, додека повреди заработија Карвахал, Родриго, Васкез, Милитао и Азар, а Начо е позитивен на коронавирус.