Проблем во Милан: Бенасер позитивен на коронавирус

Фудбалерот од средината на теренот, Исмаел Бенасер е позитивен на коронавирус, соопшти денес италијанскиот тим.

Милан треба да игра пријателски натпревар против Ница и поради позитивниот тест нема да биде во конкуренција за овој дуел. За Милан е добро што Бенасер не бил во контакт со останатите членови на екипата, па веројатно нема други позитивни.

После денешниот натпревар против Ница до почетокот на сезоната Милан ќе одигра пријателски натпревари со Валенсија, Реал и Панатинаикос.