Посебен третман во клиниката во Бело Хоризонте – Нејмар ќе престојува во Рио и ќе патува со хеликоптер

Откако вчера вечер Пари Сен Жермен соопшти дека на Нејмар ќе му биде направена операција, фудбалерот отпатува во Бразил.

Операцијата на Нејмар ќе биде направена во Бело Хоризонте, поточно во болницата „Хоспитал Матер Деи – Унидаде Санте Агостино“.

Очекувано, поради епитетот на светска мега ѕвезда болницата ќе има посебен режим во деновите кога тука ќе пристигнува најскапиот фудбалер во светот.

Нејмар нема да престојува во болницата. Ѕвездата на ПСЖ ќе биде сместен во Рио Де Жанеиро, а во Бело Хоризонте ќе патува со хеликоптер со цел да се избегне метеж во собраќајот од бранот на фанови на Бразилецот.

Потоа, во делот каде ќе се лекува Нејмар ќе биде затворено целото крило и во тие моменти пристап до тој оддел би имале само вработените во болницата.