Роналдо во проблем поради видео кое го објави неговата сестра, полицијата отвори истрага

Сестрата на Кристиано Роналдо на друштвените мрежи објави едно видео од синот на нејзиниот брат, а поради тоа отворена е истрага од страна на полицијата.

Роналдо е на добар пат со Јувентус да го обезбеди деветтото Скудето во низа, а истовремено неговото семејство ужива на Мадеира.

Аргентинскиот медиум „Оле“ пишува дека фудбалската ѕвезда може парично да биде казнета затоа што членови на неговото семејство објавиле снимка на која се гледа како неговиот 10 годишен син илегално вози џет-ски. Во Португалија не е дозволено децата сами да возат џет-ски.

Шефот на приморската полиција Гуреиро Кардосо денес изјави дека е започната истрага и дека ѕвездата на Јувентус веројатно ќе биде казнета.