Познато зошто Брајтвајт го шутираше пеналот против Еибар

Фудбалерите на Барселона во вторникот на свој терен ремизираа против Еибар (1:1) во натпревар од 16. коло во Ла Лига.

Каталонскиот клуб уште еднаш киксираше и не ја заврши 2020 година како што планираше. Барселона против Еибар беше без Лионел Меси и тоа можеше да се почувствува на теренот.

На самиот старт Барселона можеше да дојде до предност кога судијата досуди пенал, а во тој момент на изненадување одговорноста ја превзема Мартин Брајтвајт кој промаши и резултатот остана 0:0.

На никого не му беше јасно зошто баш Брајтвајт беше избран да го шутира пеналот. Сега каталонското радио објави дека пред почетокот на натпреварот играчите имале договор ако има пенал да го изведе Брајтвајт.