Познати седум од осум парови во НБА плеј-офот

После натпреварите изминатата ноќ во НБА лигата познати се седум од осум парови во плеј-офот.

Во источната конференција се знаат сите парови додека на Западот се уште голема борба се води за осмата позиција и се чека противникот на Лејкерси во првиот круг.

Паровите на истокот се следните: Милвоки – Орландо, Торонто – Бруклин, Бостон – Филаделфија и Мајами – Индијана.

Од друга страна на Западот се познати три од четири пара: Ла Клиперси – Далас, Деневер – Јута и Оклахома – Хјустон.

Не е познато само уште кој ќе игра со Лејкерси. Во овој момент на осмата позиција е Портланд, меѓутоа до крајот тука ќе се води голема борба помеѓу нив, Феникс, Мемфис и Сан Антонио.