Погба се враќа на теренот!

Францускиот фудбалер за врска Пол Погба оваа недела се враќа на тренинг во Манчестер Јунајтед.

Овој фудбалер не игра веќе неколку месеци, а оваа сезона запиша само осум натпревари во сите натпреварувања.

Најскапиот играч во историјата на Манчестер Јунајтед има проблем со повреда на коленото, но се чини дека конечно се е решено и може да се врати на тренинг.

Претходно се најавуваше дека веројатно ќе биде спремен за дербито на Манчестер кое е на програмата на 8. март и кое може да биде одлучувачко за сезоната на Јунајтед во ПЛ. Клубот се бори да го стигне Челси и Лестер на 4 и 3 место за да обезбеди пласман во ЛШ, а евентуален пораз во дербито би бил голем чекор назад.

Освен проблемите со повредата, сезоната на Погба повторно ја обележија низата трансфер шпекулации кои и денеска не престануваат па ќе биде интересно да се види како сето тоа влијаело на него.