Повредата на Танкоски сепак не е посериозна

Македонскиот ракометен вицепрвак Металург во првите три натпревари во СЕХА-лигата доживеа пораз, но се соочи и со многу повредени играчи. На дуелот со Нексе во Скопје се повреди Марио Танкоски.

Тој уште во средината од првото полувреме го заврши својот настап. Танкоски беше турнат, па незгодна стапна и го свитка скочниот зглоб.

–На почетокот изгледаше дека повредата е сериозна, но Марио сепак добро мина и најверојатно ќе отсуствува само една седмица, информираат од Металург.

Претходно се повредија, Мартин Велковски во првото коло и Томи Јагуриновски во втората рунда.