Пике го исмејуваше Боатенг на Инстаграм (ФОТО)

Жерар Пике не се огласува баш често на друштвените мрежи, но кога ќе го направи тоа секогаш се наоѓа во центарот на вниманието.

Имено, познатата спортска страница „433“ на Инстаграм објави интересна фотографија од екипата на Барселона од 2011 година кога Каталонците ја освоија Лигата на шампионите.

Барселона тогаш во финалето на „Вембли“ го победи Манчестер Јунајтед со 3:1.

Тие ја објавија фотографијата на Барса од 211 без еден офанзивец запрашаа дали знаат кој недостасува. Веројатно и тие не очекуваа дека на нивната фотографија ќе се огласат, Пике и Давид Виља.

Пике ги насмеа сите и порача дека Кевин Принс Боатенг е тој што недостасува. Боатенг минатата полусезона ја помина во Барселона, но се покажа како целосно промашување.

Од друга страна Виља не коментираше нешто посебно туку само даде до знаење дека тој е оној кој недостасува. Во тој натпревар Виља беше и стрелец на еден од погодоците.