Од напаѓачите во Џенова сигурен е само Пандев

Пред прекинот на сезоната тренерот на Џенова, Давиде Никола инсистираше да остане доследен на составот на играчи и на нив да смета подолг период, посебно во нападот.

Меѓутоа италијанските медиуми пишуваат дека во Џенова може да видиме промени во тимот на Горан Пандев. Италијанската „Газета дело Спорт“ пишува дека само македонскиот капитен иако има 37 години е единствен сигурен од напаѓачите.

Пандев заедно со капитенот на Џенова Кришито е најдобар стрелец со седум постигнати гола. Навивачите и клубот очекуваа многу повеќе Санабрија и Пиамонти, но засега тие се далеку од очекуваната форма. Поради тоа не е сигурно дека ќе останат.

Кога е Санабрија во прашање него му завршува 18 месечениот заем од Бетис и по се изгледа ќе се врати во Шпанија, тоа значи дека може да очекуваме нов напаѓач/и во Џенова.